XX. mendeko Euskararen Corpus estatistikoa

Testuingurua

SORGINEN AUZIBIDEAK
Dena dela, Akelarreko batzarrei adierazpen izugarriak aurkitu zitzaizkien hamabost eta hamaseigarren mendetan.

Alegia, sorginak (emakume eta gizonak) aidean akelarrera joaten zirela; bertara ailegatzean deabrua (aker baten itxuran) isaspean (buztanpean) emandako musu batekin agurtzen zutela; meza beltza ospatzen zutela; deabruak meza eman, sermoia egin eta jaunartzea (ogi eta kaliz beltz eta mingots bat banatzen zuelarik) zuzendatzen zuela.

Meza ostean akerrak emakumeekin, gizonekin eta baita haurrekin ere edukitzen zituen sexu harremanak hemen berridazterik ez du merezi.

Horrelako zehaztasunak irakurri nahi dituenak, ikus bedi, adibidez, J. Caro Barojaren Brujería Vasca, 105garren orrialdetik aurrera.

Sorginek, eta baita epaileen batzuk ere, hango zehastasunak margotzen poza hartzen zutela esan lezake; haiek, agian, zigorra gutxitzeko itxaropenean, eta honek erabaki gogorrenak ere ontzat saltzeko asmoz.